Moitas das pezas presentadas foron realizadas por Luis Ferreiro Peinó nos seus anos de estudo na Escola de Artes Aplicadas e Oficios Artísticos de Lugo. Segundo afirmou en varias entrevistas, elixiu a especialidade de Cerámica para aprender a dominar outras técnicas artísticas. Nunha ocasión preguntáronlle cando se podería ver unha exposición súa de cerámica ao que Peinó contestou “eso está un poco lejos”.
Peinó empregaba o barro para o estudo previo das esculturas máis importantes ou nas que andaba na procura da mellor forma de plasmalas en madeira.
